Abantu babiri nibo bitavye Imana, abarenga ijana barakomereka mu bitero vyabaye kuri uyu wa mbere hakoreshejwe ibisasu vya grenade mu gisagara ca Bujumbura. Umushikiranganji wa mbere Alain Guillaume Bunyoni yabivuze kuri uyu wa kabiri igihe yari yagiye kuraba abakomerekeye muri ivyo bitero mu bitaro Prince Régent Charles. Akaba yaciye amenyesha ko abakomeretse bose bazovuzwa na Leta.