Igihugu c’Uburundi ntigishobora gutera imbere haciboneza ibitigiri vy’umurengera vy’abantu bavundiye mu munyororo be n’impunzi zirenga ibihumbi amajana atatu zigorewe mu gahinga. Ibi biri mu rwandiko ishirahamwe rijejwe kurwanya ibiturire OLUCOME ryandikiye umukuru w’igihugu Evariste Ndayishimiye. Gabriel Rufyiri arongoye iryo shirahamwe, agasaba umukuru w’igihugu gutanga ikigongwe c’ikivunga ku bafunzwe giherekezwa n’inyigisho zotuma abantu barekuwe baja mu nzira yo kwubaka igihugu.