Mu Burundi, ukunyuruza abantu bikorwa n’abakozi b’inzego za leta kandi barazwi kuko hari igihe ico caha gikorerwa ku mugaragaro, imbere ya bene kunyuruzwa. Ukwo niko isekeza Ndondeza ribeshuza amajambo yaraye ashikirijwe n’umushikirizamanza kizigenza Sylvestre Nyandwi. Pacifique Nininahazwe, yatanguje isekeza Ndondeza, akiyamiriza ayo majambo avuga ko ari ay’ikinyoma. Agasaba nyabuna ko uwo mushikirizamanza amenyesha imiryango iyo ababo bari kuko we yemeza ko bagiye mu mirwi irwana.