Umurwi ujejwe gutohoza ukuri no kunywanisha abarundi CVR uzotanguza kuri uyu wa kabiri igenekerezo rya 27 Mukakaro 2021 ibikorwa vyo gutohoza ukuri no kuzura ibisigarira vy’abishwe mu rwimo rw’1972 mu gisagara ca Bujumbura. Pierre Claver Ndayicariye, arongoye CVR, yabivugiye mu nama yagiranye n’abarongoye abandi kuri uyu wa 22 Mukakaro 2021. Akaba yasavye uwo wese yoba afise amakuru ku bwicanyi bwabaye mu 1972, kuyatanga mu murwi CVR.