Haraciye imyaka ine Uburundi busahurwa amabuye y’agaciro yitwa « Terres rares » abarongoye igihugu batabizi. Ivyo bivugwa n’umushikiranganji wa mbere w’igihugu c’Uburundi Alain Guillaume Bunyoni, aho yariko ashikiriza ivyaranguwe na leta, hari kw’igenekerezo rya 15 Ndamukiza 2021 imbere y’abaserukira abanyagihugu. Kubwa Alain Guillaume Bunyoni, ngo ubwo butunzi bw’igihugu bwasahuwe n’abanyamahanga.