Mu bantu 34 baciriwe urubanza, Innocent Muhozi asa n’uko ari we wenyene ashobora kuba yararengukishijwe akitaba ubutungane, hari itariki 22 Rusama 2015. Kubw’umuyobozi wa radio télévision Renaissance, ngo kuba yaravugishije abagirizwa ko bashatse guhirika ubutegetsi biri muvyo yategerezwa gukora nk’umumenyeshamakuru, ngo nta caha yakoze. Innocent Muhozi avuga ko abaciriwe urwo rubanza bose bahorwa ko bashize ahabona amabi yariko akorwa n’ubutegetsi.