Inyuma y’aho ishirahamwe SOBUGEA rishiriwe hamwe na Air Burundi, ibikorwa vyose hamwe n’abakozi bose ba SOBUGEA biri mu minwe y’ishirahamwe rishasha Burundi Airlines  kuva  itariki 9 z’uku kwezi. Iyo ngingo yafashwe mu nama yahuje abanyamitahe ba SOBUGEA aribo Air Burundi, SOCABU na SABENA. Pierre Claver Nizigiyimana, arongoye umurwi wo gushira hamwe Air Burundi na SOBUGEA, avuga ko abakozi bazosabwa kugiriranira amasezerano mashasha na Burundi Airlines kubera azoba ari umukoresha mushasha.