Ihuriro ry’abashingwamanza baburanira abakorewe amabi mu Burundi « Justice for Burundi » ririyamiriza urubanza rw’abantu barenga 30 baherutse gucirirwa umunyororo wo gupfungwa ubuzima bwabo bwose. Bakaba bagirizwa gushaka gutembagaza ubutegetsi mu mwaka w’2015. Umushingwamanza Bernard Maingain, ari muri iryo huriro, agatanga akarorero k’abashingwamanza baharanira agateka ka zina muntu bari mu baciriwe urwo rubanza, bahorwa kuba barahagarariye abakorewe amabi kuva mu 2015 n’ukuba barashikanye ama dosiye yabo imbere ya sentare mpuzamakungu mpanavyaha.