Abasemerera kugira umumenyeshamakuru Floriane Irangabiye arekurwe babandanya bibonekeza. Akarorero ni umuhari uharanira impinduka muri Afrika, Tournons la Page. Inyuma y’inama y’abawuhurikiyemwo yamaze iminsi ine ikaba yasozerewe uno munsi i Cotonou muri Bénin, uwo muhari wasohoye urwandiko rutera akamo ko abapfunzwe bose ku mugabane wa Afrika bazira kurwanira agateka ka zina muntu na demokarasi, borekurwa.