Amalitiro yababa imiliyoni 25 y’igitoro ca essence na mazout, biherutse kurangurwa na leta mu ntumbero yo gutorera inyishu ikena ry’igitoro mu gihugu. Vyamenyeshejwe muri ino ndwi na Léonidas Sindayigaya, avugira ubushikiranganji bw’Ubutare n’agataka. Ku bwiwe, ico gitoro kije kwiyongera ku cahora kiza kuko amashirahamwe asanzwe akirangura, yo, azoguma akizana mu gihugu, kugira igihugu ntigisubire gushikirwa n’ikena ry’igitoro nk’uko bimaze iminsi.