Umukuru w’igihugu Yoweri Museveni, arongoye igihugu ca Ouganda kuva mu mwaka w’1986, yarasubiye gutorwa ku munsi wa gatandatu mu kiringo ciwe kigira gatandatu. Nk’uko vyatangajwe n’umurwi utegura amatora, Yoweri Museveni yatsinze ku majwi angana na 58,64 % mu gihe uwo bahiganwa Bobi Wine, yaronse ayangana na 34,83 %. Uwo mushingamateka w’imyaka 38 akaba yariyamirije ivyavuye mu matora ko vyabayemwo ubusuma imbere yo kwiyemerera ko ariwe yatahukanye intsinzi mu matora. Ayo matora akaba yari yakurikiye imyiyamamazo yaranzwemwo gukoresha inguvu aho abanywanyi b’imigambwe itavuga rumwe na leta bahagaritswe, ibimenyeshamakuru biraburabuzwa, n’abagera kuri 54 bahasize ubuzima.