Inyuma y’imyaka icenda isoko nkuru ya Bujumbura ihiye igatokombera, Inama nshikiranganji yakoranye mu ndwi iheze, yaremeje integuro y’itegeko riha ikibanza c’ahahoze isoko nkuru ya Bujumbura ishirahamwe Mukaza Business Center. Iryo shirahamwe rikaba ari ryo rizoca rihubaka. Prosper Ntahorwamiye, umuvugizi wa leta y’Uburundi, yamenyesheje ko amafaranga azokoreshwa angana n’imiliyaridi 60 z’amarundi, kandi ko hazotangwa imiliyaridi 6 mu ntango kugira higwe ingene iryo soko rya kijambere rizokwubakwa.