Colonel Pontien Baritonda aracapfungiwe mw’ibohero rya Bubanza, kandi haheze amezi 14 arekuwe n’Umurwi w’abacamanza ba sentare isubiramwo imanza ya Muha, ico bita Chambre de conseil mu gifaransa, ingingo yafashwe muri Kigarama umwaka w’2020. Iyo ngingo yo kumugumiza mw’ibohero ikaba itangaza abanonosoye amategeko. Umushingwamanza Gustave Niyonzima abibonamwo ingingo ya politike kuko kuva ico gihe cose ata kindi caha canke ikirego sentare iraronka cosigura ipfungwa ryiwe.