Uruhombo rw’amafaranga rwibonekeza mu mashirahamwe ya leta na cane cane REGIDESO na ONATEL, ruterwa n’ugukora nabi kw’abayarongoye harimwo n’abakozi basanzwe. Vyamenyeshejwe na Evariste Ndayishimiye umukuru w’igihugu kur’uno wa gatatu mu kiganiro yahaye abanyagihugu n’abamenyeshamakuru. Umukuru w’igihugu agategekanya guhagarika abakozi bose kuva ku muto gushika ku mukuru, hama ayo mashirahamwe ayashire mu minwe y’abandi babifitiye ubushobozi bukwiye.