Urubanza rwo gufungwa ubuzima bwabo bwose nirwo rwaciriwe abantu 34 bagirizwa kuba bari mu bashatse gutembagaza ubutegetsi muri Rusama umwaka w’2015. Sentare ntahinyuzwa yashize ahabona urwo rubanza kw’igenekerezo rya 02 Ruhuhuma ariko yamenyesheje ko rwaciwe ku wa 23 Ruheshi 2020. Muri abo 34, harimwo abanyapolitike batavuga rumwe n’ubutegetsi, abaharanira agateka ka zina muntu, hamwe n’abamenyeshamakuru. Bose bakaba bari basanzwe baronderwa n’umutahe mpuzamakungu kuva mu mwaka w’2016.