Umukuru w’Igihugu ni yaba ashaka kugarukira ubutunzi bw’igihugu akwiye gufata ingingo ataravye ubucuti abo zikorako bafitaniye mu mugambwe. Bivugwa na Chauvineau Mugwengezo, umukuru w’umugambwe UPD-Zigamibanga. Abivuze inyuma y’aho umukuru w’Igihugu amenyeshereje ko abazingamitse igihugu ari abarwizatunga bamenyereye kudatanga amakori. Hari mw’ikoraniro « Umuzinga Day » ryabaye mu ndwi iheze. Chauvineau Mugwengezo yibutsa umukuru w’Igihugu ko ari we afise ububasha bwo gufata ingingo kugira ibintu bihinduke.