Amashikanwa agizwe n’ibifungurwa bitandukanye n’ibitungwa ni vyo vyashikirijwe umukuru w’Igihugu Evariste Ndayishimiye, ku munsi wa gatandatu uheze muri zone Maramvya, komine Mutimbuzi mu ntara ya Bujumbura. Ayo mashikanwa yari ayo kumukeza ku myaka itatu amaze ku butegetsi. Ku bw’uwurongoye urunani rw’abatavuga rumwe na leta CFOR-Arusha, ngo iyo nyifato yo kwegeranya amashikanwa yo gushikanira umuryango w’umukuru w’Igihugu yerekana icipfuzo c’umukuru w’Igihugu mu kwifata nk’umwami. Inyifato kandi yaranze Petero Nkurunziza, bose bakaba ahanini babikora kugira abanyagihugu bame babona ko ari abantu bakomeye. Frédéric Bamvuginyumvira agatangazwa n’ahava ayo mashikanwa, mu gihe abanyagihugu benshi batakironka ivyo bafungura. Agasaba umukuru w’Igihugu kureka kubandanya bakenesha abanyagihugu, aho kubafasha kugira bashobore kuronka ibibatunga.
Amakuru
28 juin 2023
