Inyuruzwa rya Eustache Miburo, umukozi w’Ishirahamwe katolika ODEDIM mu ntara ya Muyinga, ryobazwa abarongoye umugambwe CNDD-FDD n’igipolisi mu ntara ya Muyinga. Kubwa Pacifique Nininahazwe, arongoye isekeza Ndondeza, kuva Eustache Miburo anyurujwe n’Imbonerakure kw’igenekerezo rya 21 Gitugutu umwaka w’2021, nta wurasubira kumukubita ijisho. Pacifique Nininahazwe akavuga ko hariho ivyemezo vyerekana ko Cyprien Havyarimana, icegera c’uwurongoye umugambwe CNDD-FDD mu ntara ya Muyinga, hamwe na Jérôme Ntibibogora, umukuru w’igipolisi muri iyo ntara nyene bagize uruhara muri iryo nyuruzwa.