Amakuru y’ibimenyeshamakuru mu Burundi nta kanovera agifise, kubera umwuga w’ukumenyesha amakuru ata matohoza akirimwo. Ivyo binegurwa na Faustin Ndikumana, arongoye ishirahamwe PARCEM rikangurira Abarundi guhindura ingendo. Yabishikirije ku munsi wa gatandatu uheze i Gitega igihe hariko hasozerwa inama rukokoma yo kumenyesha amakuru. Mu vyo Faustin Ndikumana yaterereye, hakaba harimwo ko umwuga wo kumenyesha amakuru wosubira ugakora amatohoza kuko ari nkenerwa cane.