Ikibazo c’ugutituka kw’anovera k’indero mu mashure gikwiye kuraza ishinga Abarundi bose. Bivugwa n’umwigisha wa kaminuza Libérat Ntibashirakandi. Abivuze inyuma y’aho Evariste Ngayimpenda, arongoye Kaminuza yitiriwe ikiyaga Tanganyika, avugiye ko basigaye bakira muri kaminuza abanyeshure bafise ubumenyi buke cane. Hari mu ndwi iheze igihe bugurura umwaka wa kaminuza. Libérat Ntibashirakandi avuga ko uno munsi aho ico kibazo kigeze hateye ubwoba.
Amakuru
11 mai 2023
