Ishure iyo ridafise ivyangombwa bikwiye rishobora gutuma umwana ariheba. Ibi bishikirizwa na Eulalie Nibizi, aharanira agateka ko kwiga kuri bose. Akabishikiriza mu gihe mu Burundi abana ibihumbi n’ibihumbi bamaze guheba ishure mu kiringo c’igice ca mbere gusa c’uno mwaka. Eulalie Nibizi agasaba leta gushiraho itegeko rihana umuvyeyi wese abuza umwana kuja mw’ishure.