Imanza zigera ku bihumbi mirongo itatu na zine nizo zaciwe mu mwaka w’2021 mu ntumbero yo gushikana ubutungane kuri bose. Ivyo vyashikirijwe na Domine Banyankimbona, umushikiranganji w’Ubutungane, kuri uyu wa kane mu gihe yariko ashikiriza ivyaranguwe n’ubushikiranganji bw’Ubutungane mu mwaka uheze. Domine Banyankimbona amenyesha kandi ko ubwo bushikiranganji bwinjije mu kigega ca leta amafranga yababa imiliyaridi 5.