Kuri uno wa mbere igenekerezo rya 14 Ruheshi umwaka w’2021, Uburundi bwarifadikanije n’amakungu mu guhimbaza umunsi wahariwe gutanga amaraso. Mw’itangazo ubushikiranganji bw’amagara y’abantu bwashize ahabona bubicishije ku munyamabanga ntayegayezwa muri ubwo bushikiranganji, Dr Jean Baptiste Nzorironkankuze, yamenyesheje ko uwo munsi ari akaryo ko guhimiriza ku kamaro ko gutanga amaraso kenshi kugira abayakeneye bayaronke bitabagoye.