Umugambwe Sahwanya-FRODEBU urasaba leta kurondera uburyo bukwiye mu banyamahanga basanzwe bafasha Uburundi kugira integuro y’amatora izogende neza. Ku bw’uwo mugambwe, uburyo leta itegekanya buracari hasi cane hisunzwe ibikenewe. Phénias Nigaba, icegera c’uwurongoye umugambwe Sahwanya-FRODEBU akaba n’umuvugizi, aranegura kandi uko ikarata karangamuntu ikozwe mu buhinga bwa none itagikoreshejwe nk’uko vyari vyarategekanijwe. Akagira amakenga ko hamwe hagumye hakoreshwa iyahahora bishobora gutuma amatora atarangwa n’umuco ukwiye bigatuma ibizoyavamwo bitemerwa.
Amakuru
23 mai 2024
