Gukura ububasha bwo kwakira imanza z’abagirizwa kurya ibiturire muri Sentare idasanzwe yo kurwanya igiturire bukimurirwa mu masentare makuru y’intara bisa no kugabanya inguvu inzego zijejwe kurwanya igiturire. Bivugwa na Faustin Ndikumana, arongoye ishirahamwe PARCEM ryiyemeje gukangurira Abarundi guhindura ingendo. Abivuze inyuma y’itorwa ry’integuro ry’itegeko riha amasentare makuru y’intara kwakira imanza zerekeye ibiturire. Inama nshingamateka yaritoye kuri uyu wa mbere igenekerezo rya 27 Ruhuhuma. Faustin Ndikumana ahanura leta ko yari ikwiye gutanga uburyo n’inguvu bikwiye kugira inzego zo kurwanya igiturire zihashe ba kaboko aho kuzica intege.
Amakuru
2 mars 2023
