Amezi arenga gato umunani araheze Ramadan Bimenyimana abuzwe irengero anyurujwe n’abantu bari mu modoka n’ubu bataramenyekana. Hari kw’igenekerezo rya 8 Ruhuhuma 2021. Bivugwa na Pacifique Nininahazwe, arongoye isekeza Ndondeza. Amenyesha ko umuryango wa Ramadan Bimenyimana wagerageje kumutabariza mu kwandikira ikete umukuru w’igihugu Evaritse Ndayishimiye hamwe n’umushikiranganji ajejwe umutekano, ariko ngo ntaco bigeze babivugako. Pacifique Nininahazwe agasaba leta y’Uburundi gukora ibishoboka mu guhagarika ibintu vyo kunyuruza abantu.