Abanyarwanda 23, harimwo Paul Rusesabagina na Callixte Nsabimana, bararengutse imbere ya sentare idasanzwe y’Urwanda iburanisha imanza z’ivyaha bihanwa n’amasentare mpuzamakungu, hari kur’uyu wa gatatu igenekerezo rya 17 Ruhuhuma umwaka w’2021. Bose bagirizwa kugira ibitero ku Rwanda mu burengero hagati y’umwaka w’2018 n’uw’2019. Paul Rusesabagina we, akaba yamenyesheje ko iyo sentare idafise uburenganzira bwo kumuburanisha nk’umunyamahanga akomoka mu gihugu c’Ububirigi.