Nta pikipiki, ikinga canke tukutuku izoba irekuriwe kurara mu rugo rwo muri zone Musaga iri muri komine Muha guhera kw’igenekerezo rya 11 Ntwarante. Dévote Ndayisenga, musitanteri wa Komine Muha yabimenyesheje kuri uyu wa gatatu igenekerezo rya 02 Ntwarante, mu nama yamuhuje n’abegwa n’ingingo ibuza amapikipiki, amakinga n’ama tukutuku gusubira gushika mu turere tumwe tumwe two mu gisagara ca Bujumbura. Iyo ngingo ntiyanejereje Abanyamusaga.