Nta wokwizera ko hari ico leta ya Gervais Ndirakobuca izohindura mu vyahora bikorwa kuri leta ya Alain Guillaume Bunyoni. Bivugwa na Chauvineau Mugwengezo, arongoye umugambwe UPD-Zigamibanga. Avuga ko igihe cose umugambwe CNDD-FDD uzoba ukiri ku butegetsi, ata kizohinduka. Agasaba Abarundi kureka guhendwa n’amajambo yo kubaryosharyosha amaze igihe akoreshwa n’abategetsi, ahubwo bahaguruke biyamirize amabi CNDD-FDD idasiba kubakorera.