Ivyabaye mw’ibohero ry’i Gitega ngo ni icaha c’agahomerabunwa. Kuko abapolisi bacungera iryo bohero banse kwugururira abanyororo ngo bave mu muriro barimwo ibara ritaragwa. Ibi biri mu rwandiko urunani CFOR-Arusha rwasohoye. Frederiko Bamvuginyumvira, arongoye urwo runani rw’imigambwe itavuga rumwe na leta, akababazwa n’ingene leta ataco yakoze kugira ibakingire. Frederiko Bamvuginyumvira agasaba leta kugira amatohoza ataho yegamiye kugira hamenyekane icatumye haba iyo ntureka.