Amakuru
19 juillet 2024

Muri ino minsi gutoteza abamenyeshamakuru kwimonogoje (J. C. Kavumbagu)

Kubona Sentare nkuru ya Mukaza yankira abamenyeshamakuru gukwirikira urubanza rw’icese birateye isoni. Bivugwa na Jean Claude Kavumbagu, arongoye ikinyamakuru Net Press. Abivuze inyuma y’aho iyo sentare yankiye abamenyeshamakuru b’Isanganiro na Bonesha gukwirikira urubanza rw’uwitwa Kenny Claude Nduwimana yari yarengukijwe kuri uyu wa kabiri. Kavumbagu amenyesha ko muri ino minsi ivyo guhonyanga ubwigenge bw’umwuga wo kumenyesha amakuru vyimonogoje. Yari kuri micro ya bagenzi bacu ba Radio Isanganiro.