Mu kwezi kwa Kigarama, Leta y’Uburundi irakwiye gusubiramwo gushasha ukwo amafaranga ya Leta ategekanywa gukoreshwa. Bisabwa n’ishirahamwe rihanira guhindura ingendo PARCEM. Faustin Ndikumana arirongoye, atanga akarorero ku gisata c’indero aho usanga hariho abana biga bicaye hasi kubera ubukene bw’intebe. Faustin Ndikumana akabona ko mu mafaranga Leta itegekanya gukoresha buri mwaka hatoshobora kuburamwo ayo kugura intebe z’abanyeshure.