Umuhari w’abarwanyi RED-Tabara ukorera mu gihugu ca leta iharanira intwaro rusangi ya Congo. Ivyo vyemezwa n’umushikiranganji w’Imigenderanire muri ico gihugu Christophe Lutundula. Umukuru w’Igihugu c’Uburundi Evariste Ndayishimiye we yaheruka kuvuga ko uwo muhari uhawe indaro, ugafashwa muri vyose n’igihugu c’Urwanda, kugeza n’aho afata ingingo yo kwugara imipaka Uburundi busangiye n’Urwanda. Umushikiranganji Lutundula, mu kiganiro yahaye abamenyeshamakuru mu mpera z’indwi iheze , yamenyesheje ko hari n’urwego rwashizweho kugira rusubize mu bihugu vyabo imirwi yose y’abarwanyi b’abanyamahanga bakorera ku butaka bw’ico gihugu.
Amakuru
16 janvier 2024
