Umuhari RED-Tabara urabeshuza ivyo wagirizwa na leta y’Uburundi ko mu gitero wagize ku w’Imana igenekerezo rya 25 Ruhuhuma yishe abanyagihugu muri komine Gihanga, intara ya Bubanza. Patrick Nahimana, umuvugizi w’uwo muhari, ariyamiriza kandi imvugo ya leta yo kuvuga ko uwo muhari ufashwa n’igihugu c’Urwanda. Avuga ko ivyo biri mu mayeri y’ubutegetsi bwa CNDD-FDD bwo gusamaza abanyagihugu kugira ntibabone ingorane zihanze igihugu. Yemanga ko mu gihe leta itazoba iremera kugirana ibiganiro n’abo batavuga rumwe, RED-Tabara izoguma irwana gushika ivyo ishaka bigiye mu ngiro.
Amakuru
27 février 2024
