Igenekerezo rya 31 Gitugutu 2018, niho Jean Marie Vianney Nshimirimana yanyuruzwa bamuziza ivyiyumviro vyiwe vya politike. Yari arongoye urwaruka rw’umugambwe FNL muri komine Nyabiraba mu ntara ya Bujumbura. Bimenyeshwa na Pacifique Nininahazwe, arongoye isekeza Ndondeza. Avuga kandi ko ku kagoroba k’uwo munsi anyuruzwa, bamwe mu bategetsi ba CNDD-FDD bari bavuze ko Jean Marie Vianney Nshimirimana atazosubira kuboneka. Pacifique Nininahazwe agasaba abategetsi b’Uburundi ko bovuga iyo bamushize.