Jean Marie Vianney Badogomba, indongozi y’umugambwe CNL muri komine Mukike mu ntara ya Bujumbura, yaranyurujwe kw’igenekerezo rya 19 Nyakanga umwaka w’2021. Pacifique Nininahazwe, arongoye Ishirahamwe FOCODE amenyesha ko yanyurujwe n’abakozi b’iperereza rya gisirikare barongowe na Adjudant-Major Onesphore Ndayishimiye, batazira Braddock. Ishirahamwe FOCODE rivuga ko abantu hafi 50 banyurujwe n’iperereza rya gisirikare mu mwaka uheze w’2021.