Ivuriro ryitwa Ubuntu Medical Clinic ryaruguruwe muri komine ya Mugamba, iri mu ntara ya Bururi, mu bumanuko bw’Uburundi kuri uyu wa mbere igenekerezo rya 14 Ruheshi uno mwaka turimwo. Muganga Alexis Nizigiyimana, yahazanye iryo vuriro, akamenyesha ko yipfuje gufasha abanyagihugu b’aho yavukiye kuko yakuze abona batagira ivuriro. Iryo vuriro rifise ubuhinga bukomeye n’ibikoresho vyo gupima ingwara zitandukanye, rifitiye akamaro abanyaMugamba be n’abanyagihugu bo mu yandi makomine ahana urubibe na Mugamba.