Ipfungwa ry’umumenyeshamakuru Floriane Irangabiye rigaragaza ihonyangwa ry’uburenganzira bwo gushikiriza ivyiyumviro risanzwe rikorwa mu Burundi. Bivugwa na Innocent Muhozi, arongoye Imboneshakure Renaissance. Akababazwa n’uko ivyo bibandanya mu gihe ubutegetsi bw’i Gitega budasiba kumenyesha ko ku ntwaro ya Ndayishimiye ibintu vyahindutse ata karenganyo kakiba. Innocent Muhozi agatera akamo leta kurekura Floriane Irangabiye kuko ata caha yakoze.