Umwaka w’2021 ngo waranzwe n’amabi menshi cane harimwo n’ivyaha vy’ukunyuruza abantu bikozwe n’iperereza rya gisirikare. Bishikirizwa na Pacifique Nininahazwe, arongoye isekeza Ndondeza. Akaba abishikirije inyuma y’aho general Silas Pacifique Nsaguye asubiriye muri ayo mabanga colonel Ernest Musaba. Pacifique Nininahazwe amenyesha ko iperereza rya gisirikare ryabikora rifadikanije n’umugambwe CNDD-FDD ubicishije ku mushingamateka Lazare Mvuyekure ajejwe iperereza ry’umugambwe.