Musitanteri wa komine Kiremba mu ntara ya Ngozi, abwirizwa gusubiza inzu zibiri yari yanyaze koperative y’aho i Kiremba. Evariste Ndayishimiye yabivugiye mu mubonano yagiranye n’abanyagihugu bo muri komine Kiremba, hari ku munsi wa gatandatu uheze. Mu mugambwe CNL, babona ko intwaro mbi imaze imyaka irangwa muri iyo komine, ituruka ku ndongozi zo mu mugambwe CNDD-FDD zitaho inyungu zabo, aho kwitaho ineza y’abo zirongoye.