Ubukene bw’amazi ntibwibonekeza mu gisagara ca Bujumbura gusa, buribonekeza no mu zindi ntara zigize igihugu, kiretse mu Kayanza no mu Rutana. Bishikirizwa na Innocent Nkurunziza, umuyobozi ajejwe igisata c’amazi muri REGIDESO. Ariko ngo REGIDESO yaragize ivyigwa bitandukanye vy’imigambi y’ukuronsa abanyagihugu amazi akwiye. Ngo hasigaye kuronswa uburyo kugira iyo migambi iranguke.