Abanyagisagara ntibakwiye kubuzwa kubika ivyabo mu mazu biyubakiye canke amazu bapanze. Bishikirizwa na Epitace Nshimirimana, avugira umugambwe MSD. Epitace Nshimirimana akaba abishikirije inyuma y’aho Dévote Ndayisenga, musitanteri wa komine Muha, avugiye ko ababa muri zone ya Musaga batemerewe gusubira gutahana amapikipiki, amakinga n’amatukutuku mu mihana yabo. Hari mu nama yagiranye na bo ku munsi wa gatatu w’indwi iheze. Ku bwa Epitace Nshimirimana, ngo harageze abanyagihugu ko bereka leta ko bafise amategeko abakingira akongera agakingira n’ivyabo.