Imiryango irenga 400 yo muri site ya Kigaramango, muri zone Gatumba, komine Mutimbuzi y’intara ya Bujumbura, yarahawe imfashanyo kuri uyu wa gatatu n’ubushikiranganji bwo gufatana mu nda. Bamwe bakaba baronkejwe amafranga azobafasha gupanga amazu, abandi bakazokwubakirwa amazu. Iyo miryango ikaba yateshejwe izabo kuva muri Rusama 2020, biturutse ku mwuzurira watewe n’uruzi Rusizi rwataye inzira.