Leta y’Uburundi irashima uko imigenderanire hagati yayo n’ishirahamwe ry’Ubumwe bwa Buraya yifashe. Vyavugiwe mu mubonano umukuru w’Igihugu Evariste Ndayishimiye yahaye uwuserukira Ubumwe bwa Buraya mu Burundi, Ambassadeur Claude Bochu, hari kuri uyu wa kabiri igenekerezo rya 02 Myandagaro 2022. Nk’uko bivugwa na Alain Diomède Nzeyimana, umuvugizi w’umukuru w’Igihugu, Claude Bochu yaboneyeho no gukeza Umukuru w’igihugu ku mabanga mashasha yo kurongora umuryango wa Afrika y’ubuseruko.