Mu ntumbero yo kugira isuku mu gisagara ca Bujumbura, ishirahamwe Great at Vision Group ryaratanguye gukora utuzu twa Surwumwe ngendanwa. Darius Nyabenda ajejwe ubuhinga muri iryo shirahamwe, akamenyesha ko utwo tuzu twa surwumwe dukozwe ku buhinga bujanye no kurwanya ikiza c’umugera wa Corona. Iryo shirahamwe Great at Vision rikaba ryari ryanitabiriye ihayanisha-gurisha ryabereye mu gisagara ca Bujumbura muri iyo ndwi iheze. Darius Nyabenda aranasigura ukwo utwo tuzu twa Surwumwe dukoreshwa.