Ikibazo c’igitoro gikwiye kwicarirwa na leta yifashishije abahinga babizi kugira ngo gitorerwe inyishu. Ni ibivugwa na Faustin Ndikumana, arongoye ishirahamwe PARCEM, inyuma y’amezi atari make igitoro kitaboneka mu gihugu c’Uburundi. Ku bwiwe, kuba umushikiranganji ntibisigura kuba umuhinga muri vyose, ari naco gituma abashikiranganji bakwiye gushiraho imirwi y’abahinga babafasha kwiga ibibazo bitandukanye bihanze igihugu.