Bamwe mu ndongozi zo hasi muri Republika iharanira demokarasi ya Congo barahamagarira izuba riva abanyagihugu kwica abavuga ikinyarwanda. Umushingwamanza Bernard Maingain, aburanira Abanyamulenge, Abatutsi bo muri Kivu ya ruguru hamwe n’Abahema bo muri Ituri, yabivugiye mu kiganiro yahaye abamenyeshamakuru cabereye i New York kw’igenekerezo rya 21 Ruhuhuma 2023. Bernard Maingain akavuga ko ico kiganiro cabaye mu ntumbero yo kumenyesha amakungu ihonyabwoko ririko riraba mu buseruko bwa Congo.