Amashirahamwe ya leta ageze ahatemba mu Burundi, amwe muri yo nk’ishirahamwe ryo gutumatumanako amakuru ONATEL, ishirahamwe SOSUMO rihingura isukari, ishirahamwe ry’ukwiyunguruza mu kirere Air Burundi hamwe n’ishirahamwe rijejwe gutanga amazi n’amatara REGIDESO yaramaze guhomba. Ivyateye ukwo guhomba ni itunganywa ribi ry’ubutunzi rivanze n’ibiturire birangwa mu bisata vyose ari vyo vyatumye haduka icuka kibi mu mashirahamwe yose ya leta. Abategetsi b’Uburundi basa nk’abahakana ukwo kuri kubabaje, ariko abahora bafasha Uburundi bo bahanura leta kuvavanura n’ivyo vyose bituma ubutunzi bw’igihugu busubira inyuma aho gutera imbere.
Amakuru
31 mai 2024
