Urwaruka rurakwiye guhimirizwa kugira rumenye guhingura imyavu yo mu ngo, canke ibisigarira vy’ibikozwe mu bintu bitabora. Ibi bikaba bishikirizwa na Emmanuel Irumva, umuyobozi mukuru wa CEPRODILIC, ikigo gihingura kigakwiragiza inyandiko za gikristu. Akaba yabishikirije mu kiganiro yahaye abamenyeshamakuru kuri uyu wa gatatu. Emmanuel Irumva akavuga ko mu mugambi wabo bise Clean and Green Generation, bazokora kugira urwaruka rugire uruhara mu gukingira ibidukikije.