Imyaka 6 iraheze urwaruka rurenga 30 rufatiwe ku Mutakura i Bujumbura, imiryango yabo ikaba itaramenya iyo bari. Urwo rwaruka rukaba rwari rwafashwe n’abasirikare barongowe n’umuhisi lieutenant-colonel Darius Ikurakure. Bivugwa na Pacifique Nininahazwe, arongoye isekeza Ndondeza. Pacifique Nininahazwe aramenyesha ko muri FOCODE bamaze kumenya amazina y’abagera kuri 10 muri abo banyurujwe kandi ko bariko barakora uko bashoboye kugira bamenye abo bandi 20 basigaye. Agasaba abategetsi b’Uburundi gukora ibishoboka kugira bavuge iyo abo bantu bajanywe.